धरानः प्रहरीले इलाका प्रहरी कार्यालय दुहवी, इलाका प्रहरी कार्यालय सीतागञ्ज र ट्राफिक प्रहरी पोष्ट दुहवी सुनसरीबाट संयुक्तरुपमा खटिएको प्रहरी टोलीले खरबुजाका बियाँ बिऊ बरामद गरेको छ ।
अन्दाजी १५ लाख २० हजार बराबरका बिऊ बरामद गरेको प्रहरीले जनाएको छ । सुनसरी बर्जु गाउँपालिका वडा नं. २ केशलिया खोला स्थित विराटनगर देवानगञ्ज सडक खण्डमा सार्वजनिक सवारी साधन चेकजाँच गर्ने क्रममा अवैधरूपमा ल्याइएको ३८ बोरा १ हजार ५ सय २० किलोग्रामको नियन्त्रणमा लिइएको जिल्ला प्रहरी कार्यालय सुनसरीका सूचना अधिकारी चन्द्रबहादुर खडकाले जानकारी दिए ।
इलाका प्रहरी कार्यालय दुहवी सुनसरीमा ल्याई आवश्यक कारवाहीको लागि सुनसरी भन्सार कार्यालय सेतुबन्ध पठाउने तयारी भइरहेको पनि प्रहरीले जनाएको छ ।