धरानः रोटरी क्लब अफ हिमालयन गल्फर्सको आयोजनामा धरानमा सम्पन्न धरान ओपन गल्फ टुर्नामेन्टको उपाधि चन्द्र देवानले जितेका छन् । चन्द्रले ३२ अंकका साथ आइतबार धरान गल्फ क्लबमा ६२ गल्फरहरुको सहभागितामा सम्पन्न यो प्रतियोगिताको उपाधि जितेका हुन् ।
बसन्त राई ४४ अंकका साथ प्रतियोगिताको समग्र विजेता बनेका छन् भने डीओ भुजाङ ४४ अंकका साथ समग्र उपविजेता बनेका छन् । त्यसैगरी, महिला प्रतिस्पर्धातर्फ आस्था दुलाल ४० अंकका साथ विजेता बनिन् भने आदित्री थापा ३३ अंकका साथ उपविजेता बनिन् ।
विपना श्रेष्ठ ३३ अंकका साथ रोटरियन विधाको विजेता बनिन् । साथै, सिनियर प्रतिस्पर्धामा हेर्कराज राईले ३२ अंकका साथ प्रथम स्थान हासिल गरे । भाइराजा पाण्डे सुपर सिनियर विधाका विजेता बने । ‘क्लोजेस्ट टु द पिन’ मा विराज श्रेष्ठ विजेता बने । सिद्धार्थ राईले लंगेस्ट ड्राइभको उपाधि हात पार्द रत्न थापा स्ट्रेट लाइनको च्याम्प्यिन बने । र मेस्ट बडर््सको विधामा भिम दाहाल पहिलो बने ।
प्रतियोगिताको पुरस्कार वितरण समारोहमा क्लबकी अध्यक्ष आरति राज्यलक्ष्मी रानाले ‘आफूभन्द सेवा’ भन्ने नारालाई जोड दिँदै क्लबले खेलक्षेत्रसँगै स्थापनाकालदेखि स्वास्थ्य, शिक्षा, आँखा उपचार, बाल कल्याण र महिला सशक्तिकरणका क्षेत्रमा काम गर्दै आएको जानकारी दिइन् ।
यो क्लबले स्थापन भएको पाँच वर्षपछि पहिलो पटक उपत्यकाबाहिर प्रतियोगिता आयोजना गरेको हो । ‘सबैका लागि गल्फ’ भन्ने अभियानमार्फत क्लबले युवा गल्फ खेलाडीहरुलाई प्रशिक्षण र विभिन्न अवसरहरु समेत प्रदान गर्दै आएको छ । अध्यक्ष रानाले क्लबले ‘सी स्ङि’ भन्ने महिलाकेन्द्रित गल्फ प्रतियोगिताका लागि क्लब सक्रियताका साथ लागि परेको पनि बताइन् ।
क्लबले भदौमा रसुवाको भोटेकोशी र त्रिशुली नदिमा गएको बाढीबाट प्रभावितहरुको निम्ति राहत संकलन गर्न ‘स्विङ फर कज’ अभियान सुरु गरेको थियो । सोही अभियानलाई थप प्रभावकारी बनाउन यो प्रतियोगिता आयोजना गरिएको बताइएको छ ।
अभियान अन्तर्गत नै गत भदौमा क्लबले काठमाडौंको गोकर्णेस्थित गोकर्ण फरेस्ट रिसोर्टमा गल्फ प्रतियोगिता आयोजना गरि १२ लाख ६० हजार रुपैयाँ संकलन गरि प्रधानमन्त्री दैविक प्रकोप उद्धार कोषमा जम्मा गरेको थियो । हालसम्म क्लबले आफ्नो सदस्य, रोटरी डिस्ट्रिक्ट ३२९२ र सहयोगी संस्थाबाट ८० लाख रुपैयाँ परिचालन गरिसकेको छ । धारन ओपन टुर्नामोन्टबाट प्राप्त रकम पनि क्लबले बाढीपिढितहरुको पुनरस्थापना गर्न खर्च गरिने जनाएको छ ।