धरानः धरानबाट हिँडेको स्कारपियो दुर्घटनामा परेको छ । भोजपुरको बोखिममा स्करपियो दुर्घटना हुँदा १० जना घाइते भएका छन् ।
बिहीबार बिहान (आज) भोजपुर नगरपालिका ५ डाडाँटोलबाट टेम्के जाने क्रममा प्रदेश १–०२–००२च६९२३ नम्बरको स्कारपियो सडकबाट करिब दुई सय ५० मिटर तल खसी दुर्घटना भएको प्रहरी निरीक्षक दीपककुमार श्रेष्ठले जानकारी दिए ।
दुर्घटनामा परी झापा गौरादह बस्ने झमकबहादुर घले र सोही ठेगाना भएका देवीकला घले गम्भीर घाइते बनेको उनले जानकारी दिए । यस्तै, नाम नखुलेका अन्य दुईजना पनि गम्भीर घाइते रहेको प्रहरीले जनाएको छ ।
उनीहरूको धरानस्थित बीपी कोइराला स्वास्थ्य विज्ञान प्रतिष्ठान धरानमा उपचारका लागि पठाइएको उनले जानकारी दिए । अन्य घाइतेको नाम, ठेगाना खुलिनसकेको उनले जानकारी दिए । स्कारपियो धरानबाट हिँडेको र चखेवा घुम्न निस्किएको पाइएको प्रहरीले जनाएको छ ।