धनकुटाः धनकुटामा घाँस काट्ने क्रममा रुखबाट लडेर एकजनाको ज्यान गएको छ ।
शहीदभूमि गाउँपालिका वडा नम्बर ३ सिरवानीका ५३ वर्षीय मन्दिरबहादुर राईको रुखबाट लडेर ज्यान गएको हो । आफ्नै बारीमा रहेको टाँकीको रुखमा चडेर घाँस काट्ने क्रममा लडेर गम्भीर घाइते भएपछि उपचारका क्रममा जिल्ला अस्पताल धनकुटामा ज्यान गएको जिल्ला प्रहरी कार्यालय धनकुटाले जनाएको छ ।
रुखमा चढेर घाँस काट्ने क्रममा लडेर गम्भीर घाइते रहेका राईको उपचारका क्रममा मृत्यु भएको जिल्ला प्रहरी प्रवक्ता डीएसपी ओमप्रकाश खनालले बताए । उपचारको लागि धनकुटा जिल्ला अस्पतालमा ल्याउना साथ चिकित्सकले जाँच गर्दा मृत घोषणा गरेको खनालले जानकारी दिए ।
हाम्रो कोशी आवाज
