धरानः सुनसरीको बराहक्षेत्रमा रुखबाट लडेर एकजनाको मृत्यु भएको छ ।
कौशिका सामुदायिक वनमा घाँस काट्ने क्रममा कुसुमको रुखबाट लडेर बराहक्षेत्र–८ हात्तीगौडे निवासी ५० वर्षीय रामबहादुर विष्टको मृत्यु भएको प्रहरीले जनाएको छ ।
गम्भीर घाइते बनेका विष्टलाई तत्कालै धरानस्थित बीपी कोइराला स्वास्थ्य विज्ञान प्रतिष्ठानमा उपचारका लागि ल्याइपुरयाइएको थियो । बाहिरी चोट खासै नदेखिएपनि उनको उपचारका क्रममा मृत्यु भएको अस्थायी प्रहरी चौकी बाङ्गेका प्रहरी हवल्दार हेमकुमारी थापाले जानकारी दिइन् ।
भतिज एकराज विष्टका अनुसार उनी सधैंजसो घाँस काट्न वनतर्फ गइरहने गदर्थे ।
हाम्रो कोशी आवाज
