धरानः सुनसरीमा धानबारीमा लुकाइराखेको अवस्थामा गाँजा बरामद भएको छ ।
सुनसरीको कोशी गाउँपालिका–७ केराबारीस्थित धान खेतबाट प्रहरीले ठूलो परिमाणमा गाँजा बरामद भएको प्रहरीले जनाएको छ । विशेष सूचनाको आधारमा इलाका प्रहरी कार्यालय भण्टाबारीबाट खटिएको टोलीले धानबारीमा लुकाइराखिएको अवस्थामा गाँजा बरामद गरिएको जिल्ला प्रहरी कार्यालय सुनसरीका डिएसपी योगराज खतिवडाले जानकारी दिए ।
गाँजा ओसारपसार भइरहेको छ भन्ने विशेष सूचनाको आधारमा खटिएको प्रहरीले धानबारीमा लुकाइछिपाई राखिएको अवस्थामा १३ वटा प्लाष्टिकको पोकामा लागूऔषध गाँजा ५ सय ३७.१४० केजी फेला परेको प्रहरीले जनाएको छ । गाँजासहित कोशी गाउँपालिका ७ बस्ने ४५ वर्षीय दिनेश यादवलाई कानुन बमोजिम नियन्त्रणमा लिई जिल्ला प्रहरी कार्यालय सुनसरीमा ल्याई थप अनुसन्धान गर्ने कार्य भइरहेको डिएसपी खतिवडाले जानकारी दिए ।