धरानः अविरल वर्षाका कारण कोशी राजमार्गअन्तर्गत धरान–धनकुटा सडक भासिएको छ ।
साँगुरीगढी–६ चारखाले गोलाईमा सडक भासिएको हो । सडक भासिएपछि तराई–मधेसबाट धनकुटा, भोजपुर, संखुवासभा र तेह्रथुमसहितका पहाडी जिल्ला जाने यातायात एकतर्फीरुपमा सञ्चालन भइरहेको छ ।
अहिले साना सवारी गुडेपनि ठूला सवारी साधन गुड्न सकेका छैनन् । कोशी प्रदेशमा अहिले पनि लगातार वर्षा भइरहेको छ । वर्षाका कारण तमोर करिडोर, भेडेटार–रवि–राँके सडक अवरुद्ध भएका छन् ।
तमोर करिडोरअन्तर्गत धनकुटा खण्डमा पर्ने छरुवा खोला, नावा खोलामा आएको बाढीले सडक अवरुद्ध भएको हो । बाढीका कारण सडक पूर्ण रूपमा अवरुद्ध भएको जिल्ला प्रहरी कार्यालय धनकुटाका डिएसपी राजन कार्कीले जानकारी दिए । तस्वीरः कविराज घिमिरे