धरानः नेपालमै पहिलोपटक थारु समुदायको कला, संस्कृति र ऐतिहासिक परिवेशलाई मूल कथावस्तु बनाएर निर्माण हुन लागेको नेपाली कथानक चलचित्र ‘बहौरिया (बेहुली)’ को छायांकन मोरङमा औपचारिक रूपमा सुरू भएको छ ।
चलचित्रको निर्देशन चर्चित निर्देशक परशुराम चौधरीले गरिरहेका छन् भने फिल्मको कथा पनि उनी स्वयं र रेणु चौधरीले लेखेकी हुन् । नेपाल म्याक्सको प्रस्तुतिमा निर्माण हुन लागेको यो फिल्म रिशन चौधरी र खुश्बु चौधरीले संयुक्तरूपमा निर्माण गर्दैछन् ।
‘अबको चलचित्र ऐतिहासिक बनाइएन भने दर्शक स्रोताको मन जित्न सकिँदैन, त्यसैले वर्षौदेखिको कथावस्तु हरतरहले समेट्ने कोसिसमा छौं’ थारु संस्कृति र पौराणिक जीवनशैलीमा आधारित कथा समेट्नेछौं’, निर्देशक परशुराम भन्छन् ।
‘बहौरिया’ थारु समाजको पौराणिक अवस्था र आधुनिक समयसम्म आइपुग्दा भएको सामाजिक–आर्थिक रूपान्तरणको कथा हो, रिशन भन्छन्, ‘पहिले जमिन्दार वर्गले दुई–तीन वटा विवाह गर्ने चलन थियो, जसको सामाजिक प्रभाव गहिरो थियो । अहिले त्यस्तो परम्परामा आएको परिवर्तन र समाजले पाएको चेतनाको सन्देश यो चलचित्रले दिनेछ ।’

थारु समुदायकै कलाकारको सहभागिता
फिल्ममा मुख्य भूमिकामा वीर चौधरी र ममता चौधरी रहेका छन् । यी दुई कलाकारले यसै फिल्मबाट नेपाली चलचित्र क्षेत्रमा औपचारिक डेब्यु गरेका हुन्। वीर चौधरी कैलालीका चर्चित मोडल हुन् भने ममता चौधरी नवलपुरकी लोकप्रिय मोडल तथा डान्सर हुन् । कैलालीकी चर्चित गायिका तथा मोडल संगिता चौधरी ले पनि यसै चलचित्रमार्फत् अभिनयमा डेब्यु गरेकी छन् ।
त्यसैगरी फिल्ममा निर्देशक परशुराम चौधरी स्वयं, रेणु चौधरी, प्रदीप बास्मैत, संगिता चौधरी, मन्जय चौधरी, ज्ञानिसा चौधरी, पुनम चौधरी, सुजता चौधरी, ज्ञान चन्द चौधरी, पाण्डव चौधरी लगायतका कलाकारहरूको दमदार अभिनय रहनेछ ।
संस्कृति र पहिचान
नेपालकै पहिचान, संस्कृति, भाषा, र भौगोलिक विविधता झल्काउने फिल्महरूलाई दर्शकहरूले गर्वका साथ हेर्छन्। उदाहरणः “कार्की,” “जारी,” “ए मेरो हजुर” जस्ता फिल्महरूले स्थानीय संस्कृतिलाई उठाएका छन् ।
भावनात्मक जोड र सन्देश
मनोरञ्जन मात्र होइन, जीवनसँग सम्बन्धित सन्देश वा सोच दिन सक्ने चलचित्रहरूको माग बढेको छ। उदाहरणः “प्रकाश,” “डेड बडी,” “आमा” जस्ता फिल्महरूले दर्शकलाई सोच्न बाध्य बनाएका छन् ।
डिजिटल उपस्थितिको प्रभाव
ट्रेलर, प्रमोशन, र कलाकारहरूको सोशल मिडिया सक्रियताले पनि दर्शकको रुचि निर्धारण गर्छ। अनलाइन चर्चित फिल्म हलमा पनि सफल हुने सम्भावना बढी हुन्छ।