धरानः मोरङको लेटाङमा पैदलयात्रीलाई मोटरसाइकलले ठक्कर दिँदा एकजनाको मृत्यु भएको छ ।
लेटाङ-२ बुधबारेस्थित धोबी चोकमा लेटाङबाट धोबीचोकतर्फ जाँदै गरेको प्र१–०२–०४१प ५५६२ नम्बरको मोटरसाइकलले पैदलयात्री दुईजना महिलालाई ठक्कर दिएको थियो ।
गम्भीर घाइते बनेकी लेटाङ–२ बस्ने ३६ वर्षीय कञ्चन राईको उपचारको क्रममा मृत्यु भएको प्रहरीले जनाएको छ । कञ्चन र ३५ वर्षीया सूचन राईको आर्या न्युरो अस्पताल विराटनगर लगिएको थियो । कञ्चनको उपचारका क्रममा मृत्यु भएको हो । सूचनको अवस्था सामान्य छ । मोटरसाइलकल चालक इलाम घर भई हाल लेटाङ–२ बस्दै आएको २६ वर्षीय सुशिल मगर पनि घाइते बनेका थिए । मोटरसाइकलमा पछाडि चढेका लेटाङ–२ बस्ने वर्ष–२५ को मौसम मल्ल ठकुरी पनि घाइते बनेका छन् । उनीहरुको अवस्था सामान्य छ ।
तीब्र गतिका कारण दुर्घटना भएको प्रहरीले जनाएको छ ।