धरानः धनकुटाको महालक्ष्मी नगरपालिका–६ माडिबजारस्थित कोशी लोकमार्गमा प्रहरीले १७५ किलो ५७० ग्राम गाँजासहित एक जना पक्राउ परेका छन् ।
जिल्ला प्रहरी कार्यालय धनकुटाका अनुसार शनिबार साँझ सवारी साधन जाँचका क्रममा को२त ४८९८ नम्बरको ट्याक्टरमा लोड गरी ल्याइएको २२ वटा बोरामा रहेको गाँजा बरामद गरिएको हो ।
ट्याक्टर चालक महालक्ष्मी नगरपालिका–४ का १९ वर्षीय राजकुमार बयलकोटीलाई नियन्त्रणमा लिई आवश्यक अनुसन्धान भइरहेको प्रहरीले जनाएको छ । बरामद गाँजासहित ट्याक्टर र चालकलाई नियन्त्रणमा लिई लागूऔषध सम्बन्धी कसुरमा थप अनुसन्धान अघि बढाइएको जिल्ला प्रहरी कार्यालय धनकुटाले जनाएको छ ।
हाम्रो कोशी आवाज
