धरानः इलामको चुलाचुली गाउँपालिकामा कार्यरत इन्जिनियर (छैटौँ तह) डिल्लीराज खड्का ६ लाख रूपैयाँ घुससहित पक्राउ परेका छन् ।
अख्तियारको इटहरीस्थित कार्यालय र टंगालको संयुक्त टोलीले खड्कालाई केही बेरअघि नियन्त्रणमा लिएको हो ।
आयोगका अनुसार खड्काले पुलको रिडिजाइन स्वीकृत गराइदिने तथा ठेक्काको भुक्तानी प्रक्रियामा सहजीकरण गरिदिने भन्दै सेवाग्राहीसँग घुस मागेका थिए ।
सेवाग्राहीबाट ६ लाख रूपैयाँ घुस लिइसकेको अवस्थामा झापाको दमक नगरपालिका-९ स्थित एक खाजा घरबाट उनलाई नियन्त्रणमा लिइएको हो ।
आयोगका प्रवक्ता सुरेश न्यौपानेकाअनुसार खड्काले पुलको रिडिजाइन स्वीकृत गराइदिएको तथा ठेक्काको भुक्तानी प्रकृयामा सहजीकरण गरिदिने भन्दै गुस रकम माग गरेका थिए।
घुस रकम माग गरेको सूचनाका आधारमा उनलाई रंगेहात पक्राउ गरि अनुसन्धान भइरहेको न्यौपाले जानकारी दिए।