धरानः इटहरीमा ट्रकको ठक्करले एकजनाको मृत्यु भएको छ ।
इटहरी-४ हलगडा चोकस्थित कोशी लोकमार्गमा इटहरीबाट धरानतर्फ आउँदै गरेको प्रदेश १–२–००२ ख १३२८ नम्बरको ट्रकले सोमबार करिब साढे ८ बजे पश्चिमबाट पूर्वतर्फ बाटो क्रस गर्दै गरेको पैदलयात्रीलाई ठक्कर दिएको इप्रका इटहरीका प्रनानि ढकनारायण श्रेष्ठले जानकारी दिए ।
ठक्करबाट इटहरी-५ बस्ने ७५ वर्षीया पदमकुमारी खड्काको मृत्यु भएको प्रहरीले जनाएको छ । गम्भीर घाइते बनेकी उनलाई उपचारको लागि न्यूरो अस्पताल विराटमगर पठाएको थियो । उपचारका क्रममा राति १०ः४५ बजे अस्पतालले मृत घोषणा गरेको प्रहरीले जनाएको छ । ट्रक चालक संखुवासभाको धर्मदेवी नगरपालिका ५ बस्ने २६ वर्षीय निमाजाङबु शेर्पा र ट्रक इलाका प्रहरी कार्यालय इटहरीको नियन्त्रणमा रहेको इप्रका इटहरीका प्रनानि श्रेष्ठले जानकारी दिए । चालकले सडकमा ध्यान नदिएका कारण दुर्घटना भएको प्रहरीले जनाएको छ ।