जबरजस्ती करणीको आरोपमा युवतीसहित तीनजना पक्राउ परका छन् ।
पक्राउ पर्नेमा विराटनगर–५ की सोनुका लिम्बू, केराबारी–८ बस्ने ५० वर्षीय कमलबहादुर आलेमगर र सुन्दरहरैंचा–१० बस्ने ३८ वर्षीय डम्बर खतिवडा रहेका छन् ।
विराटनगर–५ बस्ने २५ वर्षीय सोनुमा लिम्बूले पीडित महिलालाई कमलबहादुर र डम्बरको मिलेमतोमा नशालु पदार्थ सेवन गराई बलात्कार गरेको प्रहरीले जनाएको छ ।
लेटाङ–१ को हाम्रो रिसोर्टमा पुरयाएपछि ज्यान मार्ने समेत धम्की दिई डम्बरले जबजस्ती करणी गरेको आरोपमा उनीहरू पक्राउ परेको जिल्ला प्रहरी कार्यालय मोरङका सूचना अधिकृत प्रहरी नायब उपरीक्षक (डिएसपी) महेन्द्रकुमार मिश्रले जानकारी दिए । ‘युवतीको संलग्नतामा फकाएर रिसोर्टमा पुरयाएर नशालु पदार्थ (रक्सी) खुवाएर डम्बरले जबरजस्ती करणी गरेको अनुसन्धानले देखाएको छ, उनीहरूमाथि थप अनुसन्धान भइरहेको छ’, उपरीक्षक मिश्रले भने ।
पक्राउ परेकामध्ये सोनुमा र कमल बहादुर प्रेमी–प्रेमिका रहेका खुलेको छ ।
पीडित महिलाले प्रहरीसमक्ष दिएको बयानमा आफूले डम्बरलाई यसअघि कहिल्यै नदेखेको र नचिनेको उल्लेख गरेकी छन् । साथै आफूलाई अत्यधिक मादक पदार्थ सेवन गराएर होस गुम्ने अवस्थामा पुर्याई जबरजस्ती करणी गरिएको दाबी गरेकी छन् । ‘रिसोर्टको कोठामा लिम्बू र आले मगरले युवतीलाई ललाइफकाइ खतिवडासँग भेट गराएका थिए । त्यसपछि ‘स्ट्रिम’ नामक पेय पदार्थमा रक्सी मिसाएर खान दिएको र तीनैजनाले ज्यान मार्ने धम्की दिएपछि खतिवडाले जबरजस्ती करणी गरेको खुलेको छ’ डिएसपी मिश्रले भने । पीडित युवतीले गत साउन १८ गते इलाका प्रहरी कार्यालय बेलबारीमा जाहेरी दिएकी थिइन् ।
उनीहरुमाथि मोरङ जिल्ला अदालतबाट करणी मुद्दामा ५ दिनको म्याद थपेर अनुसन्धान भइरहेको प्रहरीले जनाएको छ ।
हाम्रो कोशी आवाज
