धरानः धरानमा खाना पकाउने ग्याँस लिनेको लाइन अझै घट्न सकेको छैन । ग्याँसको खपत बढ्दा पनि उपभोक्ताको लाइन अझै नघटेको हो ।
बजारमा अभाव हुन सक्छ भन्ने हल्लाका कारण धेरै उपभोक्ताले घरमा थप सिलिण्डर स्टक राख्न खोज्दा बजारमा कृत्रिम चाप सिर्जना भएको धरान उपमहानगरपालिकाका बजार अनुगमन अधिकृत वेदप्रसाद सापकोटा बताउँछन् । अर्कोतर्फ, विगतमा संकटका बेला वितरण गरिएको ७।१ केजी ९आधा सिलिण्डर० बाट पुनः १४।२ केजीको पूर्ण सिलिण्डर वितरणमा जाँदा खपतको चक्रमा परिवर्तन आएको उनको भनाइ छ ।
बजारको असहजतालाई न्यूनीकरण गर्न प्रशासन कार्यालयहरूले उद्योग र डिलरहरूमा नियमित अनुगमन गरिरहेका छन् । अनुगमनका क्रममा केही उद्योगहरूले उपभोक्ताको हितविपरित काम गरिरहेको समेत पाइएको छ ।
बजारमा ग्याँस नपाएर सर्वसाधारण मारमा परिरहेका बेला नेपाल आयल निगमले कोशी प्रदेशले भने यतिबेला विराटनगर क्षेत्रमा वितरण केही सहज हुँदै गएको छ भने धरानलगायत अन्य जिल्लामा अझै पनि उपभोक्ताले केही कठिनाइ भोगिरहेका छन् । नेपाल आयल निगम कोशी प्रादेशिक कार्यालयका प्रमुख पुष्कर कार्कीले प्रदेशमा दैनिक १४ हजारभन्दा बढी सिलिन्डर ग्यास खपत भइरहेको जानकारी दिए ।
ग्याँसको आपूर्तिका लागि निगमले हरसम्भव प्रयास गरिरहेको र उपभोक्ताले अनावश्यक सञ्चय नगरे केही दिनमै अवस्था पूर्ण सहज हुने दाबी गरेको छ ।
पछिल्लो विवरण अनुसार ग्यास आयात र बिक्रीको ग्राफ उकालो लागेको देखिन्छ । तथ्यांक अनुसार आर्थिक वर्ष २०८२ को साउन १ देखि २८ गतेसम्मको अवधिमा ५ हजार ६८३ मेट्रिक टन ग्यास आयात भएको थियो । तर चालु आर्थिक वर्ष २०८३ को सोही अवधिमा यो परिमाण बढेर ७ हजार ११० मेट्रिक टन पुगेको छ । यो अघिल्लो वर्षको सोही अवधिको तुलनामा २५।१ प्रतिशतले बढी हो । सिलिन्डरको संख्यामा तुलना गर्दा गत वर्षको साउनमा ४ लाख २२६ सिलिन्डर बजारमा पठाइएकोमा यस वर्ष ५ लाख ७०९ सिलिण्डर खपत भइसकेको छ । यसले ग्यासको आयातमा कुनै कमी नभएको बरु माग र आपूर्तिको सन्तुलन बिग्रिएको देखाएको छ ।