धरानः रसुवा जिल्लाको भोटेकोशी आएको बाढीमा धरानका एकजना पनि परेका छन् । धरान–६ पानबारीका मुकेश नेपालसहित सुनसरीका १५ जना बेपत्ता भएको कोशी प्रदेश प्रहरी कार्यालयले जनाएको छ ।
मुकेश त्रिशुली हाइड्रोपावर बि ३ मा कार्यरत् रहेको प्रहरीले जनाएको छ । यस्तै, सुनसरीमा १५ जना बेपत्ता भएको प्रहरीले जनाएको छ । १७ मध्ये २ जना परिवारको सम्पर्कमा आएको प्रहरीले जनाएको छ ।
कोशी प्रदेश प्रहरी कार्यालयका प्रमुख डिआइजी शेखर खनालका अनुसार कोशी प्रदेशभरी कुल १३० जना सम्पर्कविहीनको सूचीमा रहेकोमा ८ जना सम्पर्कमा आएका छन् भने बाँकीको खोजी कार्य जारी रहेको छ । बाढीबाट झापाका ८ जना, इलामका ८ जना, ताप्लेजुङका ६ जना, सुनसरीका १५ जना, धनकुटाका १ जना, संखुवासभाका ३ जना, भोजपुरका १ जना, उदयपुरका १० जना, ओलढुंगाका ११ जना, खोटाङका ८ जना, सोलुका ३८ जना नागरिक बेपत्ता रहेको प्रहरीले जनाएको छ ।