धरानः विराटनगर–१९ मिलनचौकमा टिपरको ठक्करबाट दुईजनाको मृत्यु भएको छ । पुष्पलालचौक–विराटचौक सडक खण्ड अन्तर्गत मिलनचौकमा मङ्गलबार राति साढे ९ बजेतिर भएको दुर्घटनामा परी दुईजनाको मृत्यु भएको हो ।
टिपरको ठक्करबाट विराटनगरमा एकै परिवारका दुईजनाको मृत्यु भएको हो । टिपरले अटोलाई ठक्कर दिँदा ४५ वर्षीय बाबुराम सरदार र उनकी नातिनी ६ वर्षीय सविता सरदारको मृत्यु भएको हो ।
को १ ख २९१७ नम्बरको टिपरले पूर्वतर्फ जाँदै गरेको प्रदेश १–००२ ह ८६०६ नम्बरको अटोलाई ठक्कर दिएको थियो । ठक्करबाट अटो चालक मोरङ ग्रामथान गाउँपालिका २ बस्ने बाबुराम र उनको नातिनी सविताको घटना स्थलमै मृत्यु भएको जिल्ला प्रहरी कार्यालय मोरङका प्रहरी नायव उपरीक्षक मानबहादुर राईले जानकारी दिए ।
दुईजनाको मृत्यु भएपछि आक्रोशित बनेका स्थानीय र आफन्तले टिपरमा आगजनी गरेका थिए । टिफर चालक जिल्ला सुनसरी रामधुनी नगरपालिका ५ का ३३ वर्षिय हरेराम चौधरीलाई नियन्त्रणमा लिएको छ । टिपरको ठक्करबाट दुई जनाको घटनास्थलमा मृत्यु भएपछि आक्रोशित भिडले टिपर आगजनी गरेको विराटनगर १९ का वडाअध्यक्ष बद्रीनारायण सरदारले जानकारी दिए ।