सुनसरीः मोरङ सुन्दरहरैचा–७ का ५० वर्षीय योगेन्द्रप्रसाद रिजालको सवारी दुर्घटनाबाट मृत्यु भएको छ ।
सुनसरी भोक्राह नर्सिङ–४ चिरौली चोकस्थित सडक खण्डमा पश्चिमबाट पूर्वतर्फ आउँदै गरेको प्रदेश १–०२००१ ज ३९०६ नम्बरको माइक्रो र बिपरीत दिशाबाट गइरहेको को३२प ३९४४ नम्बरको मोटरसाइकल एक आपसमा ठक्कर खाँदा दुर्घटना भएको थियो । दुर्घटनामा मोटरसाइकल चालक योगेन्द्र गम्भीर घाइते बनेका थिए ।
उनलाई विराटनगर न्यूरो अस्पतालमा उपचार भइरहेकोमा उनको उपचारको क्रममा बिहीबार साँझ मृत्यु भएको जिल्ला प्रहरी कार्यालय सुनसरीले जनाएको छ । दुवै साधन र माइक्रो चालक विराटनगर–१६ का ५२ वर्षीय आयुराज लामा नियन्त्रणमा रहेको सो कार्यालयले जनाएको छ ।
यस्तै, सुनसरी बराहक्षेत्र–५ बस्ने मन्जु राजधामीको ५ वर्षीय छोरा सुजन राजधामीको टिपरको ठक्करबाट मृत्यु भएको छ । बिहीबार बेलुका राजधामी चौकस्थित सडक खण्डमा नहडाबाट कालाबन्जर तर्फ जाँदै गरेको को१ख ५७६५ नम्बरको टिफरले बाटो क्रस गर्दै गरेका बालक सुजनलाइ ठक्कर दिँदा गम्भिर घाइते भएका उनलाई थप उपचारार्थ काठमाण्डौ लाँदै गर्दा शुक्रबार बिहान ३ बजे उनको मृत्यु भएको सो कार्यालयले जनाएको छ । ठक्कर दिने टिफर र टिफर चालक प्रदिप चौधरी नियन्त्रणमा रहेको सोही कार्यालयले जनाएको छ ।