धनकुटाः तमोर नदीको किनारमा उभिएर सेल्फी खिच्ने क्रममा खसेर बेपत्ता भएका विनित शर्माको शव फेला परेको छ ।
भारतीय नागरिक रहेका उनी हप्ताअघिदेखि बेपत्ता थिए । सात दिन पहिले नदीमा खसेर बेपत्ता भएका २६ वर्षीय उनको शव प्रहरीको एफएफ टोलीले भेटेको हो । शहिदभूमि गाउँपालिका वडा नं. १ स्थित गोपालपुरमा सशस्त्र प्रहरी सहायक निरीक्षक मनोज श्रेष्ठको कमाण्डमा रहेको टोलीले शव फेला पारेको हो । त्यस ठाउँमा ती व्यक्तिको शव भेटिएपछि एपीएफ टोलीले डोरी तथा स्टे«चरको सहायताले शवलाई बाहिर निकालेको छ ।
नोवेल मेडिकल कलेज विराटनगरमा अध्ययनरत शर्मा फागुन २४ गते किनारमा फोटो खिच्ने क्रममा नदीमा खसेका थिए । उनको उद्धारका लागि सशस्त्र प्रहरी बल नेपाल नम्बर ६ गुल्म हेक्वा छिन्ताङ धनकुटाबाट सशस्त्र प्रहरी नायब उपरीक्षक सचिन कर्माचार्यको कमाण्डमा तीन जना गोताखोरसहित १५ जना विपद् व्यवस्थापन तालिम प्राप्त उद्धार टोली खटिएको थियो ।