धरानः मोरङ र सुनसरी जिल्लाका दुई स्थानबाट नियन्त्रित लागूऔषधसहित तीन जना पक्राउ परेका छन् ।
आइतवार बेलुका जिल्ला प्रहरी कार्यालय मोरङबाट खटिएको प्रहरी टोलीले सुनसरीको धरान उपमहानगरपालिका–१५ का २२ वर्षीय निशान लिम्बूलाई नटफिन ५० पिस, डाइजोल्याप ५० पिस र एभिल ५० पिस सहित विराटनगरको सजिलो बजार छेऊबाट पक्राउ गरेको हो ।
यसैगरी लागूऔषध नियन्त्रण ब्यूरो विराटनगरबाट खटिएको प्रहरी टोलीले सुनसरीको भोक्राहा नरसिंह गाउँपालिका–४ बाट दुई जनालाई पक्राउ गरेको छ ।
विशेष सूचनाको आधारमा सो स्थानमा खटिएको टोलीले को३५प ६४१८ नम्बरको मोटरसाइकलमा सवार रहेका भोक्राहा नरसिंह गाउँपालिका–४ का २४ वर्षीय अरुण यादव र सप्तरीको छिन्नमस्ता गाउँपालिका–४ का २० वर्षीय विवेक यादवको साथबाट नाइट्रोभेट ७५० क्याप्सुल, स्पास्मोप्रोक्सिवन ११६० क्याप्सुल र डाइलक्स डिसी १०० एमएलको २९ बोतल बरामद गरेको हो । लागूऔषधसहित पक्राउ परेका ३ नै जनाको सम्बन्धमा थप अनुसन्धान भइरहेको छ ।