धरानः धरानबाट काकडभिट्टा हिँडेको बसमा आगो लागेको छ । काकडभिट्टा जाँदै गरेको सो बसमा गुडिरहेको अवस्थामा आगो लाग्न थालेको थियो ।
जलहरी यातायात नाम गरेको को१ख ६८४१ नम्बरको बस गुडिरहेको अवस्थामा एक्कासी आगो लाग्न पुगेको थियो । चालकले थाहा पाएलगत्तै सबै यात्रु हत्तपत्त ओराल्न सफल भएका थिए ।
सुन्दरहरैंचा–७ गोठगाउँ पूर्व बसमा आगो लागेको हो । ‘अगाडिबाट गन्ध आयो, गीत घन्किएर बजिरहेको थियो, त्यो पनि बन्द भयो, स्टेरिङमा तातो आएपछि चाल पाएँ’, चालक झमक कटुवालले भने, ‘त्यसपछि सबै यात्रुलाई ओराली नजिकको घरको धाराबाट पानी तानेर निभाएँ ।’ घटनास्थलमा प्रहरी, दमकल पुग्दा आगो नियन्त्रणमा आइसकेको उनले बताए । बसको इन्जिनमा क्षति पुगेपनि अन्य भागमा केही नभएको यात्रुले बताएका छन् ।