धरानः कोभिड-१९ महामारीको विषयमा अन्तर्राष्ट्रिय जाँच हुने भएको छ ।
विश्व स्वास्थ्य संगठनको ७३ औं स्वास्थ्य सभामा कोरोना भाइरसको सुरुवात कहाँ भयो, त्यसको व्यवस्थापन कसरी गरियो जस्ता प्रश्नको विषयमा अन्तर्राष्ट्रिय जाँचका लागि माग गरिएको थियो । जसका लागि सभामा प्रस्ताव पनि प्रस्तुत गरिएकोमा त्यो जाँचका लागि समर्थन गरिएको छ ।
विश्व स्वास्थ्य संगठनको मन्त्री स्तरीय वार्षिक बैठकमा समर्थन भेटेपछि अब कोरोनाको विषयमा अन्तर्राष्ट्रिय जाँच गरिनेछ । यूरोपीय संघका एक सयभन्दा बढी मुलुको तर्फबाट जाँचको लागि प्रस्ताव गरिएको थियो । जसमा अस्ट्रेलिया, चीन र जापान पनि सहभागी थिए । विश्व स्वास्थ्य संगठनका २ सय ९४ मुलुक सदस्य छन् र त्यसमा कुनैपनि मुलुकले त्यसको विरोध गरेनन् ।
यता, विश्व स्वास्थ्य संगठनका महानिर्देशक डा. टेड्रोस अधोनाम घेब्रिएसिसले महामारी विरुद्ध विश्वभरको प्रतिक्रियाको आँकलन गर्नु आवश्यक रहेको बताएका छन् । उनले संगठन एक्लैले यो काम सम्भवन नभएकाले संगठनले के गरिरहेको छ भन्ने मात्रै आँकलन गर्नु उचित नभएको बताए ।
अमेरिकी विश्वविद्यालय जन हपकिन्सका अनुसार कोरोना महामारीका कारण विश्वभर संक्रमित हुनेको संख्या ४९ लाख ८६ हजार नाघेको छ । हालसम्म कोरोना भाइरसका कारण विश्वभर ज्यान गुमाउनेको संख्या ३ लाख २४ हजार नाघेको छ । यस्तै संक्रमित भएकामध्ये झन्डै १९ लाख ५८ हजारभन्दा बढी स्वस्थ भएका छन् ।