धरानः धरानमा थप सातजनामा कोरोनाभाइरस पुष्टि भएको छ ।
प्रदेश १ को प्रयोगशालामा गरिएको परीक्षणमा झापाका ५ जनामा कोरोना पोजेटिभ देखिएको हो ।
त्यस्तै वीपी कोइराला स्वास्थ्य विज्ञान प्रतिष्ठान धरानमा गरिएको प्रयोगशालमा धनकुटा र र धरानका १–१ जनालाई कोरोनाभाइरस पुष्टि भएको प्रदेश १ मुख्यमन्त्री कार्यालयले जनाएको छ ।
प्रदेश एकमा बुधबार ७ जनामा कोरोनाभाइरस कोभिड १९ संक्रमण पुष्टि भएको हो ।
विराटनगरस्थित मुख्यमन्त्री तथा मन्त्रीपरिषद्को कार्यालय कोरोना सूचना डेस्कका अनुसार बुधबार झापाबाट ५, धनकुटा र धरानबाट समान एकजनामा कोभिड १९ संक्रमण पुष्टि भएको हो ।
विराटनगरस्थित प्रदेश एक प्रयोगशालामा संक्रमितको स्वाब नमुना परीक्षणका क्रममा उनीहरुमा पोजेटिभ रिपोर्ट आएको डेस्कले जनाएको छ । यससँगै प्रदेश एकमा हालसम्म ६६ जनामा कोभिड १९ पुष्टि भएको छ ।
यद्यपि, हालसम्म विराटनगरको कोशी अस्पताल कोभिड १९ उपचार केन्द्रबाट २६ जना सफल उपचारपछि डिस्चार्ज भएका छन् । यो सँगै संक्रमितको संख्या ४घ्४ पुगेको छ ।