धरानः नेपालमा कोरोना भाइरस संक्रमितको संख्या ४ सय ५३ पुगेको छ । स्वास्थ्य तथा जनसंख्या मन्त्रालयले बिहीबार दिउँसो थप ९ मा कोरोना संक्रमण पुष्टि भएको जनाएको हो ।
मन्त्रालयले बिहीबार आयोजना गरेको नियमित मिडिया ब्रिफिङमा प्रवक्ता डा विकास देवकोटाले झापामा ८ जना पुरुष र रुपन्देहीका १ पुरुषमा संक्रमण देखिएको जानकारी दिएका हुन् । उनका अनुसार रुपन्देहीका २७ वर्षीय पुरुषमा संक्रमण देखिएको हो ।
संक्रमण पुष्टि भएकामध्ये हालसम्म ४९ जना निको भएका छन् भने सिन्धुपाल्चोकमा एक र बाँकेमा एक, गुल्मीको एक गरी ३ जनाको मृत्यु भएको छ । मन्त्रालयका अनुसार बिहीबारसम्म नेपालमा आरडीटी विधिबाट ७८ हजार ६ सय ९५ नमुना परीक्षण भएका छन् । पीसीआर विधिबाट भने हालसम्म ३८ हजार ७ सय ३६ परीक्षण गरिएको छ ।
स्थ्य तथा जनसङ्ख्या मन्त्रालयले पछिल्लो २४ घण्टामा पीसीआर विधिबाट ३ हजार ४ सय १३ र आरडिटी विधिबाट ३ हजार ६ सय २३ वटा परीक्षण भएको जानकारी दिएको छ ।
मन्त्रालयको नियमित व्रिफिङका क्रममा बिहीबार प्रवक्ता डा. विकास देवकोटाले हालसम्म पीसीआरबाट कुल ३८ हजार ७ सय ३६ र आरडीटीबाट ७८ हजार ६ सय ९५ जनाको परीक्षण भएको जानकारी दिए । डा.देवकोटाका अनुसार हाल देशभर २५ हजार ३० जना क्वारेन्टाइनमा रहेका छन् । यस्तै हाल देशभर ४३५ जना रेडजोनमा परेका छन् ।