सुनसरीः सुनसरीको गढी गाउँपालिका–६ मा भएको टयाक्टर दुर्घटनामा परी टयाक्टर चालककको मृत्यु भएको छ ।
शुक्रबार दिउँसो सत्तेरझोडा स्थित कच्ची बाटोमा उत्तरबाट दक्षिणतर्फ इँट्टा बोकेर जाँदै गरेको को१त ९६८९ नम्बरको टयाक्टर आफै अनियन्त्रित भई दुर्घटना हुँदा टयाक्टर चालक दुहवी नगरपालिका–११ का २४ वर्षीय फुलचन ऋषिदेवको घटनास्थलमा नै मृत्यु भएको इलाका प्रहरी कार्यालय दुहवीले जनाएको छ । दुर्घटनामा परी टयाक्टरका सहचालक २३ वर्षीय सञ्जय पासवान घाइते भई उपचारको लागी जिल्ला अस्पताल इनरुवा पठाइएको सो कार्यालयले जनाएको छ ।
उता ताप्लेजुङको मिक्वाखोला गाउँपालिका–४ का २१ वर्षीय केशव खवास मृत फेला परेका छन् । जेष्ठ ०६ गते मेवाखोलामा हामफाली बेपत्ता भएका खवासको खोजतलास गर्ने क्रममा घटनास्थलभन्दा करिब २०० मिटर तल मृत अवस्थामा फेला परेको जिल्ला प्रहरी कार्यालय ताप्लेजुङले जनाएको छ ।