ताप्लेजुङः पाथीभरा मन्दिरमा जम्मा भएको ७० क्वीन्टल ३० किलो सिक्का काफ्लेपाटी झारिएको छ । भेटीपाती व्यवस्थापन समितिले अघिल्ला वर्षदेखिको पैसा स्थानीय जनशक्ति प्रयोग गरेर जम्मा गरेको हो ।
काफ्लेपाटीदेखि सदरमुकामसम्म गाडीमा ल्याइनेछ । मन्दिरबाट झारिएको सिक्का काफ्ले पार्टीको सूचना केन्द्रको भवनमा राखिएको छ । ३ हजार ७ सय ९४ मिटर उचाइमा रहेको मन्दिरबाट काफ्लेपाटी ४.५ किलोमिटर दूरीमा छ । त्यहाँसम्म ल्याउनेलाई प्रतिकिलो १६ रुपैयाँका दरले ढुवानी भाडा दिएको समितिका कर्मचारी राजेन्द्र महत बताउछन् ।
पैसा बोक्न ६० जना मन्दिर पुगेका थिए । उनीहरु माथिल्लो फेदी, काफ्लेपाटी, फावाखोला, फुरुम्वू, लिंखिमका हुन् । ओरालो झार्नुपर्ने भएकाले लड्ने र घाइते हुनसक्ने भन्दै एकजनालाई ५० किलोसम्म मात्रै बोक्न दिइएको माथिल्लो फेदी अस्थायी प्रहरी चौकीका इन्चार्ज धनराज तुम्बापोले बताए ।