धरानः अनलाइन न्युजपोर्टले समेत सरकारद्वारा उपलब्ध गराउँदै आएको लोककल्याणकारी विज्ञापन उपलब्ध गराउने भएको छ ।
यसअघि पत्रिका, रेडियो र टिभीलाईमात्रै लोककल्याणकारी विज्ञापन दिने गरिन्थ्यो । सरकारले पत्रिकाहरूलाई उपलब्ध गराउने आउँदै आएको लोककल्याणकारी विज्ञापन अनलाइन समाचार माध्यमलाई पनि दिने भएको हो । अनलाइनबाट समेत लोककल्याणकारी विज्ञापन प्रकाशन तथा प्रसारण गरिने भएको छ । सरकारको आर्थिक वर्ष २०७७–७८ को बजेट भाषणमा अर्थमन्त्री युवराज खतिवडाले यस्तो बताएका हुन् । सरकारले अगामी वर्षसम्म फाइबर टु होमबाट सबै स्थानमा इन्टरनेट पु¥याउने र आगामी वर्ष देशभरी फोर जी सेवा पु¥याइने बताइएको छ ।
सबै प्रदेशमा सञ्चारग्राम र नेपाल टेलिभिजनलाई अन्तर्राष्ट्रियस्तरमा पु¥याउने अर्थमन्त्री खतिवडाले बजेटमा सार्वजनिक गरे । उनले पत्रकार बिमालाई निरन्तरता दिने बताए । प्रत्येक प्रदेशमा चलचित्र छायांकन गर्ने र चलचित्र विकास बोर्डलाई भवन निर्माणका लागि रकमको व्यवस्था गरिएको उनले बजेट भाषणमा उल्लेख गरे ।
सरकारले चालु आर्थिक वर्षमा नवीकरण गर्न छुटेका सामुदायिक र सहकारीबाट सञ्चालित एफएमलाई आगामी २०७७ पुसम्म नवीकरण गर्दा छुट उपलब्ध गराउने भएको छ ।