धरानः धरान–६ पानबारीका बासिन्दालाई धुँवारहित चुलो वितरण गरिएको छ ।
धरान–संखुवासभा सरोकार समाजको अगुवाइ र धरान उपमहानगरपालिकाको सहयोगमा वडा नं. ६ माथिल्लो पानबारीमा विपन्न परिवारलाई ३६ थान धुवाँरहित आधुनिक सुधारिएको चुलो वितरण गरिएको समाजका अध्यक्ष मिङ्मा भोटेले जानकारी दिए ।
नेकपाका धरान अध्यक्ष नारायण सुवेदीको प्रमुख आतिथ्यतामा सम्पन्न कार्यक्रममा स्थानीयबासीले चुल्हो पाउँदा हर्षित र दंग बनेका थिए । धुँवा कम हुने र दाउरा समेत कम लाग्ने भएकाले गाउँघरमा चुलोे उपयोगी रहेको स्थानीय वडा सदस्य गोमादेवी गौतम (खनाल) ले बताइन् । ‘एक ठाउँबाट अर्को ठाउँमा लैजानको लागि समेत चुलो उपयोगी छ’ उनले भनिन्, ‘गाउँले धुँवामुक्त हुने भो भनेर खुसी छन् ।’
कार्यक्रममा बोल्दै सुवेदीले प्रमुख अतिथि सुवेदीले चुलो उपयोग रहेको र यसले मानव स्वास्थ्यलाई समेत असर नगर्ने बताए । कार्यक्रममा समाजकी सल्लाहकार शिला बजाचार्य, समाजका पदाधिकारीलगायतको उपस्थिति रहेको थियो । समाजका अध्यक्ष भोटेले यसअघि तल्लो पानबारी, धरान–४ र ५ का विपन्न परिवारलाई पनि यस्तो चुलो वितरण गरिसकेको बताए । उनले अझै सो स्थानमा केही विपन्न छुटेकोले अर्को पटक वितरण गरिने बताए ।
धुँवा कम हुने र दाउरा समेत कम लाग्ने भएकाले गाउँघरमा चुलोे उपयोगी रहेको उनको भनाइ छ । ‘गाउँ नै धुँवामुक्त हुने भो भनेर खुसी लागेको छ ।’ उनले भने । रकेट चुलोबाट पकाइएको खाना स्वादिष्ट हुनुका साथै उर्जा सन्चिती भई वन विनास हुनबाट समेत जोगिने बताए ।
फोटोः हाम्रो कोशी आवाज डटकम