ताप्लेजुङः अख्तियारको टोलीले डिभिजन वन कार्यालय ताप्लेजुङका सहायक वन अधिकृत र सहायक वन अधिकृतलाई रङ्गेहात पक्राउ गरेको छ ।
सहायक वन अधिकृत जीवनकुमार यादव र सव–डिभिजन वन कार्यालय फुङलिङका सहायक वन अधिकृत वीरेन्द्रप्रसाद साहलाई पक्राउ गरेको हो । अख्तियार दुरुपयोग अनुसन्धान आयोग इटहरीको टोलीले उनीहरूलाई एक–एक लाख रुपैयाँ घुससहित पक्राउ गरेको हो ।
जडिवुटी निकासी छुटपुर्जी दिएवापत सेवाग्राहीसँग यतिका रकम मागेपछि उनीहरूलाई पक्राउ गरेको टोलीले जनाएको छ । एक–एक लाख (जम्मा दुई लाख) रुपैयाँ घुस माग गरेका उनीहरुलाई घुस रकमसहित डिभिजन वन कार्यालय परिसर ताप्लेजुङबाट पक्राउ गरेको अख्तियारले जनाएको हो ।
हाम्रो कोशी आवाज
