धरानः सुनको मूल्य प्रतितोला दश हजार ४ सय रुपैयाँले बढेको छ । लकडाउनपछि आज पहिलोपटक सुनचाँदी बजार खुलेको छ । खुल्नेबित्तिकै प्रतितोला १० हजार ४ सय रुपैयाँले मूल्य बढेको सुनचाँदी व्यवसायी महासंघले जनाएको छ ।
चैत १० गते छापावाला सुनको मूल्य ७७ हजार प्रतितोला रहेको थियो । आज अर्थात जेठ २५ गते सुुनको मूल्य प्रतितोला ८७ हजार ४ सय रुपैयाँ पुगेको छ ।
त्यस्तै, चाँदीको मूल्य पनि बढेको छ । चैत १० गते प्रतितोला ७ सय २० रुपैयाँ चाँदीको मूल्य ९ सय २५ रुपैयाँ पुगेको हो ।
सुनको भन्सार दर ६ हजार ५ सय रुपैयाँ रहेकोमा बजेटले यसलाई ८ हजार ५ सय रुपैयाँ पु¥याइएको थियो ।
विश्वभर फैलिएको कोरोना भाइरस संक्रमण रोकथामका लागि सरकारले गत चैत ११ गते लकडाउन गर्ने निर्णय गरेको अघिल्लो दिन १० गतेदेखि नै सुनचाँदी कारोबार बन्द भएको थियो ।
सरकारले आर्थिक क्रियाकलाप खुकुलो बनाउने निर्णय गरेसँगै आइतबारदेखि सुनचाँदीको भाउ प्रकाशित गरेको नेपाल सुनचाँदी व्यवसायी महासंघले जनाएको छ ।
सरकारले लकडाउनको मोडालिटी परिवर्तन गरे अनुसार नै केही घण्टा आंशिक रुपमा व्यवसाय सञ्चालन हुने महासंघले जानकारी दिएको छ ।