काठमाडौंः नेपालमा एकै दिन ४२५ जनामा कोरोना भाइरस संक्रमण देखिएको छ ।
स्वास्थ्य मन्त्रालयले आइतबार एकै दिन ४२५ जनामा कोरोना भाइरस संक्रमण देखिएको पुष्टि गरेको हो । योसँगै नेपालमा कोरोना भाइरस संक्रमितहरुको संख्या ५ हजार ७ सय ६० पुगेको छ ।
पछिल्लो २४ घण्टामा नेपालमा ४२५ कोरोना संक्रमित थपिएका छन् । आइतबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले देशभर गरिएको परीक्षणमा थप ४२५ जनामा कोरोना पुष्टि भएको बताए ।
पछिल्लो २४ घण्टामा ६ महिलासहित ६१ जना उपचारपछि डिस्चार्ज भएका छन् । योसँगै डिस्चार्ज हुनेको संख्या ९७४ पुगेको प्रवक्ता गौतमले बताए । तीमध्ये ३ सय ७५ जना पुरुष र ५० जना महिला छन् ।
संक्रमित कहाँका ?
स्वास्थ्य मन्त्रालयका अनुसार मोरङका २५, सुनसरीका १, झापाका १, सप्तरीका १०, पर्साका १७, बाराका ९, सर्लाहीका ६, रौतहटका ७६, नवलपरासीका ४, बझाङका ५, डडेलधुराका २४, डोटीका ३, कैलालीका १२, कञ्चनपुरका २०, बर्दियाका ३, बाँकेका ३, रुकुमका १, प्युठानका २, दाङका ५४, धनुषाका १, रामेछापका २, गुल्मीका ८, रुपन्देहीका २६, पाल्पाका १७, सुर्खेतका ४०, दैलेखका २९ ,सिन्धुलीका १ र धादिङका २५ जना संक्रमित थपिएका हुन् ।
प्रदेश १ मा कति संक्रमित ?
प्रदेशभर गरी हालसम्म संक्रमितको संख्या ३ सय ४६ रहेको स्वास्थ्य तथा जनसंख्या मन्त्रालयले जनाएको छ ।
प्रदेश १ का विभिन्न जिल्लाका गरी अहिले १ सय ८२ संक्रमितलाई आइसोलेसनमा राखेर चिकित्सक एवं स्वास्थ्यकर्मीले हेरचाह गरिरहेका छन् ।
संक्रमितहरूलाई विराटनगरस्थित कोभिड–१९ उपचार केन्द्र, धरानको बीपी कोइराला स्वास्थ्य विज्ञान प्रतिष्ठान र मोरङको गोठगाउँस्थित पूर्वाञ्चल विश्वविद्यालयको मेडिकल कलेजमा राखेर हेरचाह गर्ने गरिएको छ ।