ताप्लेजुङ: ताप्लेजुङको फुङ्लिङ नगरपालिका १ तारेबुङमा रङ्गशाला निर्माण कार्य तीब्र गतिमा अगाडि बढिरहेको छ ।
नेपाल सरकारको योजना प्रत्येक स्थानीय तह कवर्डहल तथा रङ्गशालाको निर्माण अवधारणअनुरुप आर्थिक वर्ष ७४–७५ प्रदेश ७५ लाख प्रदेश सरकारको बजेटबाट शुरु भएको रनिर्माण कार्य यस आर्थिक वर्षमा ६० लाख प्रदेश सरकारले बजेट विनियोजन गरेको हो ।
यस आर्थिक वर्षको बजेटको १५ प्रतिशत कार्य सम्पन्न् भएको निर्माण फुङलिङ रङ्गशाला खेलमैदान उपभोक्ता समितिका अध्यक्ष सुवास घिसिङले बताए । अहिले दैनिक ३५ जना जनशक्ति परिचालन भइरहेको छ । ३६ रोपनीको क्षेत्रफलमा निर्माण भइरहेको रङ्गशाला लम्बाई १६५ मिटर र चौडाई ११५ मिटरको हुने फुङलिङ रङ्गशाला खेलमैदान उपभोत्ता समितिका सचिव रमेश घिमिरेले बताए ।
कुल निर्माण कार्यको अनुमानित ५० प्रतिश कार्य सम्पन्न भएको अध्यक्ष घिसिङले बताए । सदरमुकाम देखि तीन किलोमिटर पर्ने तारेपुङमा बस्तीमा रङ्गशाला निर्माण भएकोमा स्थानीय निकै उत्साहित भएको छ । रङ्गशाला निर्माणको लागि १३ रोपनी जग्गा समेत निःशुल्क उपल्ध गएको अध्यक्ष घिसिङले बताए । रङ्गशाला निर्माण गर्ने क्रममा तीन घर विस्तावित भएका थिए भने अहिले उनिहरुलाई सुरक्षित जनता आवास अन्तर्गत निर्माण भएको घरमा पुनः स्थापित गरिएको अध्यक्ष घिसिङले बताए ।