ताप्लेजुङः विशाल लिम्बूको ‘उत्ताउलो तिम्रो जवानी’ गीतको म्युजिक भिडियो चाँडै रिलिज हुने भएको छ ।
ताप्लेजुङको विभिन्न ठाउँमा छायाङ्कन भएको सो भिडियो यसै हप्ता युट्युबबाट रिलिज हुने भएको हो । सञ्चारकर्मी पदम श्रेष्ठ, विनु तामाङ र रिना गुरुङको अभिनय रहेको भिडियोमा पेम्बा लामा शेर्पाको निर्देशन रहेको छ भने क्यामरा पनि शेर्पा आफैले चलाएका छन् ।
पदम श्रेष्ठले सम्पादन गरेको भिडियोको सम्पूर्ण काम सकिएको निर्देशक शेर्पाले जानकारी दिए । विश्वव्यापी महामारी कोरोना भाइरसका कारण देशैभर लकडाउन भएको अवस्थामा भिडियोको सम्पूर्ण छायाङ्कन तथा सम्पादनको काम जिल्लाभित्र नै भएको हो । गायक लिम्बू मेची तारा २०७१ सिजन २ का फस्ट रनरअप बिजेता समेत हुन् ।
हाम्रो कोशी आवाज
