धरानः धरान उपमहानगरपालिकाको आव ०७७–०७८ को नीति तथा कार्यक्रम प्रस्तुत गरिएको छ ।
नीति तथा कार्यक्रममा धरानको खानेपानी समस्यादेखि करको दर पुनरवलोकन गर्ने राजश्व नीति अवलम्वन गरिएको जनाइएको छ । मेयर तिलक राईको अध्यक्षतामा भएको कार्यक्रममा प्रमुख अतिथि एवं प्रदेश एकका सभामुख प्रदीप भण्डारी, प्रदेश सांसद चन्द्रप्रसाद श्रेष्ठ पनि रहेका थिए ।
उपमहानगरले आगामी साउन १ गतेबाट खानेपानी संस्थान र आयोजना दुवै संरचनालाई खानेपानी व्यवस्थापन बोर्डमार्फत सञ्चालन गर्ने घोषणा गरेको छ । असार मसान्तभित्र बोर्डमा ल्याइने र दुवै संरचनालाई एकीकरण गरेर साउन १ गतेदेखि खोनपानी व्यवस्थापनको सम्पूर्ण कार्य बोर्डमार्फत् उपमहानगरले सञ्चालन गर्ने जनाएको छ ।
नीति तथा कार्यक्रममा भनिएको छ–खानेपानी बोर्डले नगरबासीको खानेपानीको आवश्यकता अनुसार थप निर्माणका कार्यहरू अगाडि बढाउँदै लाने नै छ । सबै प्रकारका नीतिगत निर्णय भइसकेका विषयलाई मध्यनजर गरी विगतको नगर सभाबाट ०७६ मंसिर ७ गतेको बैठकबाट संस्थानका कर्मचारीहरूको दायित्व बोर्डमा आइसकेको सन्दर्भमा अब खानेपानी संस्थान धरान शाखाका कर्मचारीहरूमध्ये बोर्डमा आउन चाहनेलाई आषाढ मसान्तभित्र बोर्डमा हाजिर गराई बाँकी रहेका दुवै संरचनालाई एकीकरण गरी २०७७ साउन १ गतेदेखि खानेपानी व्यवस्थापनका सम्पूर्ण कार्यहरू खानेपानी बोर्डमार्फत सञ्चालन गरिनेछ ।
नीति तथा कार्यक्रममा करको दर पुनरावलोकन गर्नुपर्ने धराने जनताको असिम चाहनालाई सम्बोधन गर्दै करको दरमा पुनरावलोकन गर्ने राजश्व नीति अवलम्वन गरिएको जनाइएको छ । आर्थिक, सामाजिक, शैक्षिक, सांस्कृतिक, पर्यटन, खेलकुद, यातायात, होटल व्यवसाय, व्यापार लगायतका सबै क्षेत्रमा कोरोनाका असर देखिएको र राहत पुग्ने गरी स्वरोजगार व्यवसायी, मजदुरलाई स्वावलम्वी बनाउन र सम्मान गर्ने गरी करको नीति तयार गर्दै दायरा फराकिलो गरिने गरी बजेट तर्जुमा गरिएको जनाइएको छ । यस्तै, नीति तथा कार्यक्रममा कोरोनाको असरको कारण परेको असरबाट राहत उपलब्ध गराउन ३ महिनाको राजश्व छुटको व्यवस्था पनि मिलाउने घोषणा गरिएको जनाइएको छ ।
यस्तै, सर्दु जलाधार क्षेत्रको अतिक्रममित जमिनको सन्दर्भमा नेपाल सरकारले मन्त्रीपरिषदबाट निर्णय भई रोक्का भइसकेकोले लगतकट्टाको कार्य तत्काल सम्पन्न गरी जलाधार संरक्षण गर्न सङघीय सरकारसँग पहल गर्ने पनि उपमहानगरले घोषणा गरेको छ ।
यस्तै, धरानमा हुने अनियमितता, ढिलासुस्ती निर्मुल र भञ्ष्टाचारमा शुन्य सहनशीलताको नीति अघि सारिएको जनाइएको छ भने नगरबासीसामु गरिएका पञ्तिबद्धता, घोषणापत्र र स्थानीय सरकारका यसअघि र अब गरिने गुरुयोजना तर्जुमा र मार्ग निर्देशन हुने जनाइएको छ ।
नीति तथा कार्यक्रममा शिक्षालाई पहिलो पञथमिकतामा राखिएको छ । यसअन्तर्गत युवा तथा खेलकुद, लैंगिक समानता, सामाजिक समावेशिकरण, आदिवासी जनजाति, महिला बालबालिका समेटिएको छ । यस्तै, स्वास्थ्य नीतिमा धरानको पुरानो अस्पतालमा अस्पताल स्थापनादेखि बीपी पञ्तिष्ठानलाई धरानको पहिचान बनाउँदै पञ्तिष्ठानसँग समवयन गरेर उपचारको व्यवस्था, स्वस्थ नगरको लागि स्वथ नागरिक कार्यक्रम सन्चालन गरिने जनाइएको छ । नीति तथा कार्यक्रममा आर्थिक, उद्योग, पर्यटन, खानेपानी सरसफाइ, पुर्वाधार विकासमा पनि जोड दिइएको छ ।