ताप्लेजुङः ताप्लेजुङको फक्ताङलुङ गाउँपालिका–६ साँघ गाउँमा लिम्बूहरूको धार्मिक तथा ऐतिहसिक तागेरा निङवाफु ओडार (गुफा) मा दर्शन गने जानेहरूको भक्तजनहरूको लागि फलफूल रोपिएको छ ।
तागेरा संरक्षण समितिको पहलमा विभिन्न किसिमका फलफूल रोपिएको हो । कागती ५० बोट, केरा २० बोट, चिउँरी २५ बोट, तेज पत्ता ४० बाटो, बाँस २५ बोटो मज्यूर पङ्खी ५० बोट र अन्य विरुवा समेत रोपिएको स्थानीय कुशल फेम्बूले जानकारी दिए ।
तागेर निङवाफु गुफामा आउने दर्शनार्थीहरूलाई प्रसादको रूपमा फलफूल प्रदान गर्नको लागि तागेर निङवाफु गुफा जाने बाटोको छेउछेउमा विभिन्न फलफूल रोपेको तागेरा संरक्षण समितिका अध्यक्ष गेदरजुङ ताम्मादेन जानकारी दिए ।
तागेरा निनिङवाफु गुफा एक पुरातात्विक तथा ऐतिहासिक गुफा हो । परापूर्वकालदेखि नै स्थानीयहरूले पूजा पाट गर्दै आएको भएपनि अहिलेसम्ममा गुफाको खोज तथा अनुसन्धान हुन नसकेको फक्ताङलुङ दर्पण पत्रिकाका सम्पादक जितेन चेम्जोङले बताउँछन् । अहिले गुफाको नजिकै मन्दिर निर्माण गरी १६ औं राष्ट्रिय महागुरु फागुनन्दको सालिक राखिएको छ । आन्तरिक तथा बाह््रय पर्यटन प्रवद्र्धन गर्नको लागि फलफूल रोपेको अध्यक्ष ताम्मादेनले जानकारी दिए ।