धनकुटाः विश्रान्ति वृद्धाआश्रम धनकुटामा निःशुल्क स्वास्थ शिविर आयोजना गरिएको छ ।
तमोर नदीस्थित विश्रान्ति वृद्धाआश्रम, धनकुटामा निशुल्क स्वास्थ्य शिविर तथा खाद्यान्न वितरण कार्यक्रम आयोजना भएको हो ।
लायन्स क्लब अफ हेल्दी नेसन धरान र लायन्स क्लब अफ दन्तकालीको आयोजनामा कार्यक्रम सम्पन्न भएको हो । शिविरमा ५० जनाको स्वास्थ्य परीक्षण गरी औषधि वितरण र रगत संकलन समेत गरिएको थियो । संकलित रगत धरानस्थित बिर्तामोड डाइगोनोस्टिक सेन्टरमा जाँच गरिने लायन्स क्लब अफ हेल्दी नेसनका महासचिव नरेन्द्र देवले बताए ।
रगतको परिक्षण र रोगको पहिचान पछि आवश्यकता अनुसार उपचार गरिने युवा अभियन्ता डाक्टर देवराज घिमिरेले बताए । लायन्स क्लबले देशको विभिन्न क्षेत्रमा सामाजिक कार्य सञ्चालन गरिरहेको जानकारी गराउँदै धरानमा आफूहरूले सक्रियता देखाउँदै आएको लायन्स क्लब अफ दन्तकालीका सरस्वती सुवालले बताइन् ।