विराटनगरः सुनसरीको देवानगञ्ज–३ पाँचौ सिमरस्थितबाट लागूऔषध गाँजासहित एकजना पक्राउ परेका छन् ।
पक्राउ पर्नेमा देवानगञ्ज–३ का ४३ वर्षीय चुनिलाल सरदार रहेका छन् । शुक्रबार दिउँसो १ बजे को२ह ६५३७ नम्बरको अटोलाई नियन्त्रणमा लिई चेकजाँच गर्ने क्रममा अटोमा लुकाइछिपाइ राखिएको १८ केजी गाँजा बरामद गरी चालक सरदार समेतलाई नियन्त्रणमा लिईएको जिल्ला प्रहरी कार्यालय सुनसरीले जनाएको छ ।
यसैगरी झापाको दमक–५ स्थितमा डेरा गरी बस्दै आएका ३ जना लागूऔषध खैरो हिराइन बाउनसुगर सहित पक्राउ परेका छन् ।
पक्राउ पर्नेमा दमक–९ का ३२ वर्षीय रविन कुँवर, इलाम घर भई दमक–५ मा बस्ने १९ वर्षीया मनिषा राई र ताप्लेजुङ घर भई दमक–८ बस्ने २२ वर्षीया सम्झना राई श्रेष्ठ रहेका छन् । विशेष सुराकका आधारमा इलाका प्रहरी कार्यालय दमकबाट खटिएको प्रहरी टोलीले शुक्रबार राति १० बजे उनीहरुलाई कोठाबाट १७ ग्राम बाउनसुगर सहित पक्राउ गरेको हो । पक्राउ परेका पाँचै जना उपर थप अनुसन्धान तथा कानुनी कारबाही भइरहेको छ ।