विराटनगरः मोरङको पथरी शनिश्चरे नगरपालिका–९ बाट चोरी भएको मोटरसाइकलसहित तीनजना मानिस पक्राउ परेका छन् ।
पथरी शनिश्चरे नगरपालिका–२ का आतेजुङ राईले आफ्नो को३४प ६००४ नम्बरको मोटरसाइकल घरबाट नै हराएको भनी जानकारी गराएसँगै खोजतलासमा खटिएको प्रहरी टोलीले पथरी शनिश्चरे नगरपालिका–१० का २० वर्षीय निमा तामाङ , बेलबारी नगरपालिका–२ का २० वर्षीय पृतिमान भण्डारी र २२ वर्षीय अभिषेक कट्टेललाई चोरी भएको मोटरसाइकलसहित पक्राउ गरेको हो ।
पक्राउपरेका मध्ये निमा तामाङले केही समय अगाडी पथरी बजारका केही पसलहरुबाट जिन्सी सामानहरु समेत चोरी गरेको खुल्न आएको तथा अन्य थप अनुसन्धान भइरहेको जिल्ला प्रहरी कार्यालय मोरङले जनाएको छ ।
पक्राउ परेकामध्ये निमा तामाङले गत जेठ ३२ गते पथरीशनिश्चरे –१ स्थित शान्ति मिनि मार्केटमा रहेको सविता बस्नेतको पसलबाट र देश थाम्सुहाङको सटर फुटाएर जुत्ता चप्पल लगायत जिन्सी धनमाल गरी समेत चोरेको प्रहरीले जनाएको छ ।