सुनसरीः सुनसरीको सीमावर्ती क्षेत्रमा सशस्त्र प्रहरीले चलाएको गोली लागेर एकजना गम्भीर घाइते भएका छन् ।
सुनसरीको हरिनगर–७ का २० वर्षीय सहजब जट गम्भीर घाइते भएका हुन् । पेटमा गोली लागेर घाइतेको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको सशस्त्र प्रहरी ४ नम्बर गण सुनसरी उपरीक्षक कृष्ण ढकालले जानकारी दिए ।
शुक्रबार राति १० बजे घटना भएको हो । सीमामा खटिएको सशस्त्र प्रहरीमाथि भारतबाट आएको समुहले ढुंगामुढा गरेपछि गोली चलाइएको प्रहरीले जनाएको छ ।
प्रहरी जवान जीवराम बिशंखेमाथि तस्करको समुहले बाँस र ढुंगा प्रहार गरेपछि प्रहरीले एक राउण्ड फायर प्रहरीले जनाएको छ ।
यसैबीच बिहीबार राति सुनसरीको देवानगञ्जमा नेपाल प्रहरी र अपराधिक समूहबीच गोली हानाहान भएको थियो ।