धरानः धरानस्थित बीपी कोइराला स्वास्थ्य विज्ञान प्रतिष्ठानका इन्टर्न डाक्टरको कोरोना पोजेटिभ रिपोर्ट आएको छ । २५ वर्षीय पुरुष डाक्टरमा संक्रमण देखिएको हो ।
बुधबार नै उनको रिपोर्ट पोजेटिभ आएको प्रतिष्ठानका प्रवक्ता डा. निदेश सापकोटाले जानकारी दिए । उनलाई ज्वरो आउनेलगायतका स्वास्थ्यमा समस्या देखिएपछि होम क्वारेन्टाइनमा थिए । उनी आफै अस्पताल आइपुगेका थिए । अस्पताल आएर चेकजाँच गर्दा कोरोना पोजेटिभ रिपोर्ट आएको हो । ‘तपाई हामीलाई जस्तै सामान्य बिरामी हुँदादेखि नै उहाँ होम क्वारेन्टाइनमा हुनुहुन्थ्यो, उनको पिसिआर चेकजाँचमा कोरोना पोजेटिभको रिपोर्ट आएको छ ।’ उनले भने । उनी आफै सतर्क रहँदै होम क्वारेन्टाइनमा बसेकालाई अन्यमा सरेको हो कि भन्ने शंका समेत नरहेको उनले जानकारी दिए ।