धरानः धरानमा चिकित्सक (डाक्टर) की श्रीमतीलाई पनि कोरोना पोजेटिभ देखिएको छ ।
आइतबार बीपी कोइराला स्वास्थ्य विज्ञान प्रतिष्ठान धरानको २ जना चिकित्सकलाई पनि कोरोना संक्रमण पुष्टि भएसँगै चेकजाँच गर्दा उनको पनि रिपोर्ट पोजेटिभ आएको प्रवक्ता डा.निदेश सापकोटाले जानकारी दिए ।
‘प्रतिष्ठानको इएनटी र बायोकेमेष्ट्रिी विभागका दुईजना डाक्टरको पिसिआर रिपोर्ट पोजेटिभ आएसँगै एक चिकित्सकको श्रीमतीमा चाहिँ  पोजेटिभ रिपोर्ट आएको हो ।’ उनले भने । दुवैजना पुरुष चिकित्सक हुन् । उनीहरूको अवस्था सामान्य रहेको उनले जानकारी दिए । ‘उहाँहरु शंका लागेर नै पिसिआर जाँच गराउनुभएको थियो, चेकजाँचका क्रममा श्रीमतीमा पनि पोजेटिभ रिपोर्ट आएको हो ।’ उनले भने । यसअघि पनि एक डाक्टरकी श्रीमतीमा कोरोना पुष्टि भइसकेको छ ।