धरानः धरानस्थित बीपी कोइराला स्वास्थ्य विज्ञान प्रतिष्ठानमा एक कोरोना संक्रमितको मृत्यु भएको छ ।
योसँगै प्रतिष्ठानमै मृत्यु हुनेको संख्या ७ जना पुगेको छ । योसँगै प्रतिष्ठानमा दुई महिलाको मृत्यु भएको छ । यसअघि ढल्केबर–७, धनुषाकी ८५ वर्षीया महिलाको मृत्यु भएको थियो । उपचारको क्रममा शनिबार राति उनको मृत्यु भएको प्रतिष्ठानका प्रवक्ता डा. निदेश सापकोटाले जानकारी दिए । विराटनगर महानगरपालिका-२ की ५० वर्षीया महिलाको शनिबार राति मृत्यु भएको उनले जानकारी दिए ।
विराटनगरस्थित न्यूरो अस्पतालबाट रेफर गरिएकी ती महिलाको राति १२:३० बजे प्रतिष्ठानको कोभिड अस्पतालमा उपचारको क्रममा मृत्यु भएको उनले जानकारी दिए । ४-५ दिनदेखि ज्वरो, खोकी स्वास प्रश्वासमा समस्या भएपछि उनलाई बीपी रेफर गरिएको उनले जानकारी दिए । उनमा फोक्सोको समस्या, थाइराइडको समस्या, मुटुको समेत उपचार गर्दै आइरहेको पाइएको उनले जानकारी दिए ।
यसअघि प्रतिष्ठानमा मृत्युु हुनेमा चारजना विराटनगरका र दुईजना मोरङको सुनवर्षी र रंगेलीका रहेका छन् । यस्तै, प्रदेश २ का दुईजनाका पुरुषको पनि बीपीमै मृत्यु भएको थियो ।