विराटनगरः प्रदेश १ मा १०३ जनामा कोरोना संक्रमण पुष्टि भएको छ । योसँगै प्रदेश १ मा कोरोना संक्रमितको संख्या २ हजार १० पुगेको छ ।
आइतबार विराटनगरसहित मोरङमा ९२ जनामा संक्रमण देखिएको छ । विराटनगरमा बितेको २४ घण्टामा अहिलेसम्मकै धेरै ८६ जनालाई कोरोना संक्रमण पुष्टि भएको सामाजिक विकास मन्त्रालयले जनाएको छ ।
मन्त्रालयका अनुसार महानगरका ३२ महिला र ५४ पुरुषमा कोरोना संक्रमण पुष्टि भएको छ । योसँगै विराटनगरमा कोरोना संक्रमितको संख्या ५६६ पुगेको छ । बुढीगंगामा ३, धनपालथानमा २ र कटहरीमा १ पुरुषको रिपोर्ट पोजेटिभ आएको छ ।
खोटाङको दिक्तेल रुपाकोट मझुवागढीमा ६ पुरुष, सुनसरीको इटहरीमा १ पुरुष, दुहवीमा १ महिला, इलामको देउमाइमा १ पुरुष, बाराका १ पुरुष र सिरहाकी १ महिलामा संक्रमण देखिएको सामाजिक विकास मन्त्रालयले जनाएको छ । त्यस्तै, प्रदेश २ का दुईजना संक्रमित थपिएका छन् । प्रदेशमा कोरोनाबाट १४ जनाको मृत्यु भएको छ । मृत्यु हुनेमा १० जना मोरङका छन् भने ४ जना प्रदेश नं. २ का छन् ।