धरानः धरानस्थित आर्मी क्याम्पका १२ जना नेपाली सेनामा कोरोना पोजेटिभ देखिएको छ ।
धरान उपमहानगरपालिका स्वास्थ्य महाशाखाका प्रमुख उमेश मेहताले यसको पुष्टि गरे । केहीदिनअघि क्याम्पमा १४ जनाको स्वाब लिइएकोमा यतिका संख्यामा पोजेटिभ देखिएको उनले जानकारी दिए । उनीहरुको शुक्रबार धरान १७ स्थित एन्फा क्वारेन्टिनमा स्वाब संकलन गरिएको थियो ।  वर्ष ३५, ३४, ३४, ३०, ३०, ६, २४, २६, २३, ३४, ३१ ,२६ का पुरुषमा कोरोना देखिएको हो ।
यस्तै, धरान–१२ घर भएकी एक ७६ वर्षीया महिलामा पनि कोरोना पुष्टि भएको छ । योसँगै धरानमा आजै १९ जनामा कोरोना पुष्टि भएको छ । आइतबार बिहान चार जना र मृत्यु भएका आमाछोरासहित गरेर १९ जनामा कोरोना पुष्टि भएको हो । बिहान दुईजनाचाहिँ बीपीकै सेक्युरिटी गार्डसहित परीक्षा शाखाको प्रशासनिक सहायकका रुपमा कार्यरत कर्मचारीमा कोरोना पुष्टि भएको थियो । यस्तै, धरान–१८ का पुरुष, धरान–१० का ३३ वर्षीय पुरुषमा कोरोना पोजेटिभ देखिएको थियो ।