धरानः धरानमा थप १३ जनामा कोरोना संक्रमण पुष्टि भएको छ ।
धरानका एकजना पत्रकार, एक विद्यालयका प्रधानाध्यापक, डाक्टर र धरान उपमहानगरपालिकाका कर्मचारीसहित १३ जनामा कोरोना संक्रमण पुष्टि भएको धरान उपमहानगरपालिकाका स्वास्थ्य महाहशाखा प्रमुख उमेश मेहताले जानकारी दिए ।
३८ वर्षीय ती पुरुष पत्रकारमा ज्वरो आउने, घाँटी दुख्ने समस्या थियो । परीक्षण गर्दा कोरोना पुष्टि भएको हो । धरानमा पत्रकारलाई कोरोना संक्रमण देखिएको यो पहिलो हो । यस्तै, धरान–१६ का इन्जिनियर र उपमहानगरपालिकाका एक अधिकृतलाई पनि संक्रमण देखिएको छ ।
यस्तै, धरान–१८ का २५, ५५, ३१, ५५ वर्षीय महिला र पुरुष, धरान–१५ का ३८ वर्षीय पुरुष, धरान–१ का ३४ वर्षीय पुरुष, धरान–८ का ५४ वर्षीय पुरुष, धरान–१६ का २७ वर्षीय पुरुष र ५५ वर्षीया महिला, धरान–२० की २५ वर्षीया महिला, धरान–३ की २१ वर्षीया महिला, धरान–६ की ३१ वर्षीय महिला र धरान–१२ का ३८ वर्षीय पुरुषमा कोरोना संक्रमण पुष्टि भएको उनले जानकारी दिए ।
संक्रमित हुने प्रधानाध्यापक धरान–१५ का एक सामुदायिक विद्यालयका हुन् भने र संक्रमित हुने डाक्टर बीपीमा कार्यरत् हुन् ।