विराटनगरः बितेको २४ घण्टामा प्रदेश १ मा धरानका १४ जनासहित ८३ जना संक्रमित थपिएका छन् ।
धरानबाट ७ महिला र ७ पुरुषमा कोरोना संक्रमित थपिएका छन् । योसँगै सुनसरीमा सुनसरीबाट ३६ जना संक्रमित थपिएका छन् । सुनसरीकै इटहरीमा २ महिला र ९ पुरुष, दुहबीमा ३ महिला र ५ पुरुष, हरिनगरमा १ पुरुष, स्थानीय तह नखुलेका २ पुरुषको रिपोर्ट पोजेटिभ आएको प्रदेश १ सरकारको सामाजिक विकास मन्त्रालयले जनाएको छ ।
यस्तै, मोरङमा ३० जना संक्रमण पुष्टि भएको छ । यस्तै, ओखलढुंगामा ४, खोटाङ र झापामा २–२, धनकुटा र इलाममा समान १ जनामा कोरोना पुष्टि भएको छ । यस्तै, प्रदेश १ बाहिरका ७ जनामा संक्रमण देखिएको मन्त्रालयले जनाएको छ ।
यसैगरी, मोरङको विराटनगरका ६ महिला र १० पुरुष, बुढीगंगाका ६ पुरुष, बेलबारीका १ महिला र १ पुरुष, सुन्दरहरैंचाका १ महिला र १ पुरुष कोरोना पोजेटिभ देखिएको छ । उर्लाबारीमा १ पुरुष, स्थानीय तह नखुलेका १ महिला र २ पुरुषमा संक्रमण देखिएको छ । ओखलढुंगाको सिद्धिचरणमा १ महिला र २ पुरुष, सुनकोशीमा १ पुरुष, खोटाङको ऐसेलुखर्कमा र स्थानीय तह नखुलेका १–१ पुरुष छन् । झापाको मेचीनगर र बिर्तामोडमा १–१ पुरुष, धनकुटा र इलाममा १–१ महिला र प्रदेश १ बाहिरका ३ महिला र ४ पुरुषको रिपोर्ट पोजेटिभ आएको मन्त्रालयले जनाएको छ । प्रदेश १ मा कोरोना संक्रमितको संख्या ६ हजार ५१९ पुगेको छ ।
प्रदेश १ मा आजै ४४ जना डिस्चार्ज भएका छन् । धरानस्थित बीपी कोइराला स्वास्थ्य विज्ञान प्रतिष्ठान धरानबाट २४ जना डिस्चार्ज भएका छन् । यसैगरी, कोशी अस्पताल कोभिड १९ उपचार केन्द्र, विराटनगरबाट ७, मेची अस्पताल झापाबाट ७, धाइजन आइसोलेसन केन्द्र झापाबाट ३, न्युरो अस्पताल विराटनगरबाट २ र होम आईसोलेसनबाट १ जना डिस्चार्ज भएका छन् । हाल सम्म २ हजार ८६८ जना डिस्चार्ज भएको मन्त्रालयले जनाएको छ ।
इलाम बन्यो कोरोनामुक्त जिल्ला
उता कोरोना महामारीपछि पहिलो पटक इलाम कोरोनामुक्त जिल्ला भएको छ ।
कोरोनाका सक्रिय संक्रमितहरु घर फर्किएपछि इलाम कोरोना संक्रमणमुक्त भएको हो । गत जेठ २७ गते जिल्लामा पहिलो संक्रमित फेला परेकामा तीन महिनापछि कोरोना पोजिटिभको संख्या शुन्य भएको हो ।
इलाममा अहिलेसम्म ९३ व्यक्ति संक्रमित भएकामा सबैजना उपचारपछि घर फर्किसकेको स्वास्थ्य कार्यालयले जनाएको छ । कार्यालयका अनुसार पछिल्लोपटक चुलाचुली गाउँपालिकाका एक युवकमा कोरोना पोजिटिभ देखिएकामा उनको रिपोर्ट नेगेटिभ आएको छ ।
अहिलेसम्म जिल्लामा चार हजार ९७७ जनाको पीसीआर परीक्षण गरिएकामा चार हजार ८६१ जनाको रिपोर्ट नेगेटिभ आएको थियो । इलाममा गत जेठमा दुई, असारमा १४, साउनमा ६६ र भदौमा ११ जनामा कोरोना पोजिटिभ देखिएको थियो । जिल्लामा सबैभन्दा बढी इलाम नगरपालिका ५७, सूर्योदय नगर १५, सन्दकपुर गाउँपालिका आठ, माई नगर पाँच, देउमाई नगर चार, चुलाचुली तीन र रोङ गाउँपालिकाका एक जनामा संक्रमण पुष्टि भएको थियो ।