धरानः धरानमा इटहरीका एक कोरोना संक्रमित पुरुषको मृत्यु भएको छ ।
धरानस्थित बीपी कोइराला स्वास्थ्य विज्ञान प्रतिष्ठानमा उपचाररत् ५६ वर्षीय पुरुषको मृत्यु भएको हो । इटहरी–६ घर भएका ती पुरुषको बुधबार राति ९ः४५ बजे मृत्यु भएको प्रतिष्ठानका प्रवक्ता डा. निदेश सापकोटाले जानकारी दिए ।
विराट मेडिकल कलेज विराटनगरबाट रिफर गरिएकी ती पुरुषमा ज्वरो, खोकी, श्वासप्रश्वासमा कठिन भएर साथै कोरोना पोजेटिभ भएपछि धरान रिफर गरिएको उनले जानकारी दिए । उनमा अन्य दीर्घरोग केही नभएको उनले खुलाए ।
गत १४ गते विराट मेडिकल कलेजमा परीक्षण गर्दा उनमा कोरोना पोजेटिभ देखिएको थियो । गत १४ गते राति उनी प्रतिष्ठानको कोभिड अस्पतालमा भर्ना भएका थिए । भर्ना हुनुअघि उनको अवस्था गम्भीर रहेको र उपचारको क्रममा मृत्यु भएको प्रवक्ता डा. सापकोटाले जानकारी दिए । शवको व्यवस्थापन स्वास्थ्य मापदण्डअनुसार भइरहेको प्रतिष्ठानले जनाएको छ ।