धरानः धरानमा फेरि अर्का संक्रमित पुरुषको मृत्यु भएको छ । योसँगै धरानमा मृत्यु हुने कोरोना संक्रमितको संख्या ११ पुगेको छ ।
धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा धरान–१० का ३९ वर्षीय पुरुषको मृत्यु भएको हो ।
बीपी प्रतिष्ठानबाटै कोभिड अस्पतालमा उपचारका क्रममा मृत्यु भएको हो । क्षयरोग, कलेजो र मृगौलाको पनि समस्या भएका उनमा गत १२ गते कोरोना पुष्टि भएको थियो । उनी असोज १३ गते कोभिड अस्पताल भर्ना भएका थिए । बिहीबार बिहान ४ः३० बजे उनको मृत्यु भएको हो । शवको व्यवस्थापन स्वास्थ्य मापदण्डअनुसार भइरहेको प्रतिष्ठानका सहप्रवक्ता डा. आशिष श्रेष्ठले जानकारी दिए ।
हाम्रो कोशी आवाज
