धरानः धरानमा शुक्रबार थप ४८ जनामा कोरोना संक्रमण पुष्टि भएको छ । यो सँगै धरानमा कोरोना संक्रमितको संख्या ९ सय ३४ पुगेको छ ।
२ वर्षका नाबालकदेखि ८० वर्षका ज्येष्ठ नागरिकसम्ममा संक्रमण पुष्टि भएको धरान उपमहानगरपालिकाको स्वास्थ्य महाशाखाका प्रमुख उमेश मेहेताले दिए ।
धरान–१ मा १ जना पुरुष, धरान–२ मा १ महिला २ पुरुष, धरान–७ मा १ पुरुष, धरान–९ मा १ पुरुष, धरान–११ मा २ पुरुष, धरान–१३ मा १ पुरुष, धरान–१५ मा ३ महिला १ पुरुषमा संक्रमण पुष्टि भएको उनले जानकारी दिए ।
यस्तै, धरान–१६ का १ महिला १ पुरुष, धरान–१७ का १ पुरुष, धरान–१८ का १६ महिला १० पुरुष, धरान–१९ का १ पुरुष र धरान–२० का १ पुरुषमा संक्रमण पुष्टि भएको उनले जानकारी दिए । धरान–१८ ठेगाना लेखिएका २६ जना अधिकांश बीपी प्रतिष्ठानमा कार्यरत् रहेको उनले जानकारी दिए ।