धरानः धरानमा सुनसरीको इनरुवा–१ का एक संक्रमितका मृत्यु् भएको छ ।
धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा उनको मृत्यु भएको सहप्रवक्ता डा. आशिष श्रेष्ठले जानकारी दिए ।
पहिलादेखि नै उच्च रक्तचाप, मधुमेहलगायतका समस्या भएका उनको बिहीबार २ः१० बजे मृत्यु भएको हो । ८२ वर्षीय ती पुरुषको कोरोना संक्रमणका कारण मृत्यु भएको हो । गत ३ गते नै उनमा कोरोना पुष्टि भएको थियो । उनी ३ गते अस्पताल भर्ना भएका थिए ।
शवको व्यवस्थापन स्वास्थ्य मापदण्डअनुसार भइरहेको सहप्रवक्ता डा. श्रेष्ठले जानकारी दिए ।
हाम्रो कोशी आवाज
