धरानः नेपाल कम्युनिष्ट पार्टी (नेकपा) का प्रदेश कमिटी सदस्य तथा धरान इञ्चार्ज अइन्द्रविक्रम बेघा र उनकी श्रीमती सविना खनाल बेघा कोरोना मुक्त भएका छन् । उनीहरू असोज २७ गते देखि होम आईसोलेसनमा रहेका थिए ।
बिहीबारबाट बेघा दम्पत्ति कोरोना १९ बाट मुक्त भएको उनले जानकारी दिए । धरानस्थित बीपी कोइराला स्वास्थ्य विज्ञान प्रतिष्ठानमा गरिएको दोस्रोपटकको पिसिआर परीक्षण दुवैजनाको रिपोर्ट नेगेटिभ आएको उनले जानकारी दिएका छन् ।
सबैलाई धन्यवाद दिंदै उनले खानपिनको सही व्यवस्थापन, साथीभाइको हौसला, चिकित्सकहरुको निर्देशनअनुसारको स्वास्थ्य सम्बन्धी सुझाव, सल्लाह साथै आफ्नो आत्मबलका कारण कोभिड–१९ परास्त गर्न सफल भएको बताए । ‘कोभिड–१९ लाई हेलचेक्रयाइँ नगरौं र आतंकित नबनौं, उच्च मनोबलका साथ लडेर परास्त गरौं ।’ उनले सुझाए । उनले सदाझै समाजसेवा र राजनीतिक गतिविधिमा निरन्तर रहने प्रतिबद्धता समेत जनाए ।